VIDEO Qaanaami palasi
Tikitaq Qasigiannguani peroriartorfimmit kitaamiut inuunerannit avatangiisaaniillu allaanerujussuuvoq.
- Qaanaamiipput pissutsit akerleriilluinnartut, aamma aasakkut seqinniinnaavittarnera minnerunngitsumillu kaperlak ulloq unnuarlu qaammat sinnerlugu taaginnaavittarnera; Henriette Thorin Didriksen KNR-imut oqarpoq
Palasip ilimagisaminit pikkunanaarpaa sakkortunaarlugulu.
Akerlerluinnaanilli aasakkut seqineq takkuttarpoq, ulloq unnuarlu seqinniinnalertarluni.
Nunatta avannaarsuani inuunermi aamma ilinniarfiuvoq qujamasunneq ilinniarneqarpoq. Naammagittarsinnaanerlu arlalitsigut misilinneqartarpoq. Palasip naammagittarnissani sungiukkiartorpaa assersuutigalugu pisiniarfimmut pisiniarniaraanni, pisiassallu piginngikkaangamikkit allanik pisiassaminnik ujarlertarput.
Henriette Thorin Didriksenip Qaanaamiinnermini ukioq ataasinngulerpaa.
Avannaarsuata pinngortitaa arlalitsigut misigisaqarfigisarpaa. Palasip malugivaa pinngortitarsuup nalissaqanngitsumik tunisisarnera.
Palasi kitaanut uteqqissaaq, Qaanaamukaqqissinnaanini takorloorsinnaava, palasip oqaatigaa.