VIDEO Qaanaami innuttaasut napparsimaviup matoqqasarnera toqqissisimanngissutigaat
Matoqqaneranilu pinartumik pisoqartillugu Ilulissat napparsimavianut sianeqqaartarneq innuttaasut toqqissisimanngissutigaat. Minutsialunnguit inuunermik naleqarsinnaapput, Qaanaarmiut ernumasut ilaat taama oqarpoq.
Qaanaamiillutit peqqiilliuleruit pinartumilluunniit pisoqarpat ualikkullu sisamap qaangereersimappagu taava saaffissat siulleq tassaavoq Ilulissani napparsimavik 1000 km sinnerlugu ungasitsigisumiittoq.
Peqqinnissaqarfiup 2011-mi aaqqissuuteqqinneqarnerata kingorna Qaanaami napparsimavik ulloq unnuarlu pigaartueruppoq, tamatumalu kingorna pinartumik pisoqartillugu Ilulissat napparsimaviat qitiusumik napparsimaviusoq attavigineqaqqaartalerpoq.
Ilulissaniillu aamma Qaanaamut attaveqarniarnermi minutsialuit naleqarsinnaanerat innuttaasut ernummatigaat.
Tamannalu tunngavigalugu Peqqissutsimut Naalakkersuisoq pulaartorineqarpoq.
- Soorunami ernumanerat (Qaanaami innuttaasut, aaqq.) paasisinnaavara, Peqqissutimut Nalakkersuisoq, Doris Jakobsen KNR-imut oqarpoq.
- Pinartumik pisoqartillugu innuttaasut sukkulluunniit Qaanaami toqqaannartumik vagtiusumut sianersinnaatitaapput, Doris Jakobsen erseqqissaavoq.
