Kitaani pujoq maanna ullut arlerlugit Air Greenlandip timmisartuussineranik akornusersuivoq.
-Ullumi pissutsit pitsaanerungaanngillat, Air Greenlandimi paasissutissiisartoq Tupaarnaq Rosing Olsen nalunaarpoq.
Taanna allappoq Air Greenlandip ilimagivallaanngikkaa kitaani timmisartuussinerup ullumi piviusunngortinneqarsinnaanissaa.
-Tamanna kitaani kiisalu Danmarkimiit/Danmarkimullu ingerlasussaagaluit eqqarsaatigalugit ilaasut arlalissuitsumiiffinni assigiinngitsuni kannginnerannik kinguneqarpoq.
Air Greenlandimit nalunaarutigineqarpoq ullumi sapinngisaq naapertorlugu ilaasunik timmisartuussisoqassasoq silalu pitsannguumeriarpat timmisartuussineq annertusineqassaaq.
-Ullumi timmisartuussineq pisinnaanngippat ilaasut 500-it missaanniittut eqqorneqartussaapput.
Timmisartuussinerup putsumik akornusersorneqarnera pissutigalugu allakkanik nassiussanillu assartuineq kinguaattooqqavoq.