Puisit toqungasut sissamut tipisut

Puisit, pelssælinik qallunaatut taaguutillit, eqqissisimatitaapput, nunallu eqqissisimatitap Lincoln National Parkip sineriaani siumorneqarsimallutik.
Puisit toqungasut pingasut Adelaidep universitetianukaanneqarput suna toqqutigisimaneraat misissorneqassalluni.
Avatangiisit pillugit Australiap kujasinnerusortaani oqartussat ilisimatitsissutigaat puisit 51-it toqungasut akornanni 49-t piaraasut.

- Ilisimatuut puisit misissoreerpaat, sunali toqqutigisimaneraat nassuiaruminaappoq, uumasut taakku toqungasut asiusimaqimmata, universitetip oqaaseqartitaa oqarpoq.

Inuit avatangiisinik mingutsitsinerat pissutaasimasinnaasoq, taassuma oqaatigaa, puisilli nappaammik toqquteqarsimasinnaanerat, ilisimatuut eqqoriarpaat:

- Misissuisoqaqqikkumaarpoq, oqaaseqartitaq oqarpoq.