Puisit amii tunineqartartut ikiliartortut
Puisit amii 50.000-it sinnerlugit Ukiut tallimat matuma siorna tunineqarput, siornali tassa 2016-mi puisitamii 33.000-it sinnilaaginnarlugit tunineqarput.
Kalaallit Nunaani tamarmi puisit amiisa tunineqartarneri ikiliartuinnarput, taamaattorli sumiiffinni ataasiakkaani killormut ingerlavoq.
Ingammik Tasiilami nunarfiinilu puisit amiinit tunisat amerlanersaapput. Puisit amii siorna tunineqartut 10.000-upput 2013-milu ammit 6.000-it tunineqarlutik.
Taamatuttaaq Narsami Ittoqqortoormiini kiisalu nunaqarfinni Nuup eqqaaniittuni puisit amiisa tunineqartarnerat amerleriarsimapput.
Upernaviup nunaqarfiini, siornatigut puisit amiinik tunisaqarfiulluartartuni, maanna ikileriarujussuarsimasut, naatsorsueqqissaartarfiup kisitsisaataanni takuneqarsinnaavoq.
