Puiguttortut angerlarsimaffissaat Ilulissani sanalerpaat
Puiguttortut angerlarsimaffissat marlunnik quleriik Ilulissani utoqqaat illuata eqqaani sananeqalerpoq.
- Ilulissat illoqarfissuanngulersoq malunnarpoq. Illoqarfitsinni amerliartortilluta puiguttornermi nappaateqalersut aamma amerliartorput. Puiguttortut angerlarsimaffiata sananerani siunertaavoq inuit pineqartut toqqissisimanartunik avatangiiseqarnissaat, Qaasuitsup kommuniani borgmesteri Jess Svane KNR-mut oqarpoq.
Puiguttortut angerlarsimaffissaanni inissiat arfiniliussapput aammalu pillorissaasunik atorfinitsitsisoqassalluni
Suliarinnittussarsiuussineq ullumi naammassivoq. Sanaartorneq ukiormanna aallartissaaq aappaagulu iserterfigineqarnissamut piareernissaa naatsorsuutigineqarpoq.