ASSIT Prinsesse Marie Nuummut tikittoq
Prinsesse Marie Nuummut tikimmat, naalakkersuisoq Sara Olsvig, naalagaaffiup sinniisua Mikaela Engell Karsten Høyilu autisme pillugu nunatsinni peqatigiiffiup siulittaasua najuupput.
Prinsessep sulerinissaanut pilersaarut mittarfimmi aallarnerneqarpoq tassanilu angut inuusuttoq autismertoq, mittarfimmi sulisoq, Sander Høy naapippaa.
Nunatsinnut nersualaarisoq
Prinsesse Marie ingerlaqqinnginnermini KNR-imit ilanngutassiortunut naatsumik oqaaseqarpoq.
- Ataatsimeersuarnermi autismemut ilisimasanik oqaluuserisaqarnissaq qilanaaraara, prinsesse Marie oqarpoq nunalu katersuuffiusoq nersualaarlugu.
- Maannga ingerlaarnerput nuannerluinnarpoq, ulluni pingasuni maaniinnissannut qilanaarpunga.
Marie pilersaarutimi siulliup kingorna tallimanngorpamut najugassaminut Hotel Hans Egedemukarpoq.
Autisme pillugu Nuummi ataatsimeersuarnissaq prinsesse Mariemit sisamanngorpat ammarneqassaaq.
