Prins Joachimip qanoq tusaamaneqarnini siullermik eqqartoraa
Tamanna filmimi pisimasuinnik tunngaveqartumi TV2-mi juullikkut ukiortaallu akornanni aallakaatinneqartussami takuneqarsinnaavoq.
- Inuuvunga malussarissoq. Aamma inuuvunga pisortatigoortumik pisoqarnerani namminerluunniit inuttut arlaannik suninni aalajangersimasunik isikkulersornissannik ilinniarsimasoq, TV2-mi piviusumik tunngaveqartumik aallakaatitassiaq naapertorlugu taama oqarpoq.
AAMMA ATUARUK Prins Joachim Nuummut tikeraartoq
Prins Joachim naapertorlugu nammineq isikkorisani pingaakujunniartutut inunnik isigineqartarpoq.
- Tamatumanit akiillerumanngitsutut isigineqalerpunga, tamatumalu anneruniartutut isikkoqalersippaanga.
Prins Joachimilu nammineq oqarnera naapertorlugu piviusumik taamaattuunngilaq.
- Tusartakkassitut ilaatigullu qanoq innissannik kissaateqarnissitut ittuunngilanga. Inuuvunga neqeqarlunga aaqarpunga, prins Joachim oqarpoq.
Prins Joachim danskit nutaarsiassaqartitsiviani arlaleriarluni quleqqutarineqartuni arlerluni saqqummiunneqartarsimavoq. Tamanna ilaatigut prinsesse Alexandralu 2004-mi avinnerani pivoq.
Aammattaaq sønderjyllandimi illorsuaq, grevemit Schackimit meeraalluni tunissutigisimasani 100 millionit koruunilerlugu 2016-imi tunimmagu nakkutigineqangaatsiarpoq.
Filmimi piviusunik tunngaveqartumik ’Den anden prins – Joachim’ tassa ’Prinsip aappaa – Joachim’ TV2-mi decembarip 27-ani takutinneqassaaq.
AAMMA ATUARUK Prins Joachim vild med grønlandsk musik