Prins Joachim Frankrigimi napparsimmavimmi uninngasoq
Prinsi qaratsamigut taqqamik milittoorluni suliaritittoq, maannali ajunngitsoq kunngikkormiut nalunaarutigaat
Prins Joachim Københavnimi Franskit Ambassadeata silataani.
juulip 25-at 2020 15:25
Nutserisoq Marie Kûitse Kristensen
Kunngikkormiutut ataqqinassusilik Prin Joachim Frankrigimi ippassaq unnukkut Toulousep Universitetshospitalet napparsimmaviannukaanneqarpoq.
Prinsi qaratsamigut taqqamik milittoornermini suliaritippoq, suliaritinneralu naammassilluarsimasoq, kunngikkormiut attaveqaqatigiinnermut pisortaat Lene Balleby ualisoq taama nalunaaruteqarpoq.
Prins Joachim maanna ajunngitsoq ilanngullugu oqaatigineqarpoq.
Kunngikkormiut annertunerusumik paasissutisseerusunngikkallarput, napparsimmavimmili uninnganerata nalaani ilaqutariit eqqissisimatinneqassasut ataqqinartorsuup Dronningip kissaatigaa.
Kunngikkormiutut ataqqinassusillip Prinsesse Marie uini ilagigaa, kunngikkormiut nalunaarumminni ilanngullugu oqaatigaat.
