Prins Henriup tupilaatai Frankrigimi saqqummersinneqarput

Ukiut marluk matuma siorna saqqummersitsineq ”Kalaallit Nunaannut Asanninneq” Katuami ingerlanneqarpoq, maannalu Prins Henriup alliartorfiani Cahorsimi Frankrigimiittumi innuttaasut kalaallit eqqumiitsuliaat Dronningip uiata katersai takusinnaanngussavaat.
Allattoq Camilla Dam
juulip 02-at 2015 14:56

Kunngikkormiut nittartakkaminni taamak allapput. 

Saqqummersitsineq, franskisut Pour lamour du Groenlandimik taaneqarsimasoq ippassaq , juulip aallaqqaataani Musée Henri Martinimi ammarneqarpoq, tassanilu Prins Henriup tupilannik, kiinarpanik ukkusissanillu nunatsinni angalaartarnerminni katersai takuneqarsinnaapput.

Aamma atuaruk Prins Henriup eqqumiitsuliat katersai Katuami saqqummersinneqalerput

Frankrigip kujataaniissaguit saqqummersitsineq aggustip 30-ata tungaanut alakkarneqarsinnaassaaq.