Præsidentip tullersortaa Rusland pillugu suliami ikiortissaminik atorfinitsitsisoq
Aviisi The Washington Post taama allaaserisaqarpoq.
Amerikami 2016-imi præsidentimut qinersisoqarnera sioqqullugu suleqatigiinneq pisimassangatinneqarpoq. Qinersinermi tassani Republikanerineersup Donald Trumpip Demokraatineersoq Hillary Clinton tupaallaatigineqartumik ajugaaffigaa.
Præsidentip tullersortaata allaffeqarfianit sisamanngormat nalunaarutigineqarpoq Mike Pencep eqqartuussissuserisoq Richard Cullen atorfinitsissimagaa.
- Præsidentip tullersortaata immikkut unnerluussisussaatitaap apeqquteqaataanik akissuteqarnissamut ikiortissatut Richard Cullenimik atorfinitsitsisimanera uppernarsarsinnaavara, Pencep oqaaseqartartua Washington Postimut taama allappoq.
Præsidentip Donald Trumpip eqqartuussissuserisumik Marc E. Kasowitzimik, misissuinernut immikkut ikiortissatut qaammat ataaseq matuma siorna atorfitsitsereersorlu, Mike Pence aamma atorfinitsitsivoq.
/ritzau/
