Portugalimiut aqqartartuat Nuummiittoq
Portugalimiut aqqartartuat ulluni makkunani Nuummi umiarsualivimmiippoq. Aqqartartup nunatta avataani sikup naqqani misissuisussaanera pissutaavoq. Issittumi Sakkutooqarfik Facebookikkut allappoq.
Issittumi Sakkutooqarfiup nammineq alapernaarsuutaa Ejnar Mikkelsen aqqartartup sikup naqqanukarnerani malinnaasuussaaq. Sikup naqqani angalaneq naammassineqarpat aqqartartoq Baffinip kangerliumarnganut nunatta Canadallu akornanniittumut ingerlaqqissaaq.
Aqqartartorli kujammut ingerlaaqitsinnani Nuummi uteqqeqqaassaaq.
Aqqartartorli aallannginnermini Nuummi ullualuit talinngagallaqqaarpoq. Tassungalu atatillugu iluanut takornariarnissaq periarfissaavoq.
Tamanna tallimanngornermi pisinnaavoq, paasissutissallu amerlanerusut facebookikkut quppernikkut Nuuk Borgerinfokkut paasissutissiissutigineqassapput.