Politiit: Qaqortumi Tasersuup ingerlavigineqarnissaa suli navianarpoq
Qaqortumi Tasersuup ingerlavigineqarnissaa politiit mianersoqqussutigeqqippaat.
Allattoq Simon Uldum -
Meeqqanik inuusuttunillu Tasersuarmi pinnguartunik Qaqortumi politiit suli naammattuugaqartarput, naak tasersuup angallavigineqarnissaa siornatigut mianersoqqussutigineqaraluartoq, Kalaallit Nunaanni Politiit Facebookimi taama allapput.
- Massakkullu siku apummik qallerneqarmat isumaqanngilaq siku ingerlaffigineqarsinnaalersoq. Suli siku ulorianarsinnaammat, angajoqqaat piumaffigivagut meeqqatik oqaluutissangaat suli Tasersuup sikua angallaffiusinnaanngimmat pinnguarfiusinnaanngimmallu, Qaqortumi politiassisteniti Stine Egede taama oqarpoq.