Sofia Geisler, QiviarfikAssi: KNR

Politikkikkut pisunik sammisaqartussaq aallakaatitaq nutaaq KNR-ip aallakaatittalissavaa

KNR-ip aallakaatittaligassaa ”Qiviarfik”-mik taaguuteqartoq ataasinngorneq 30. oktober 2017 siullermeerlugu aallakaatinneqassaaq.

Aqutsisuullunilu aallakaatitamik aaqqissuussisoq tassaavoq tusagassiortoq mislittagaqarluartoq Sofia Geisler. Aallakaatitsivimmeeqatigisassavai alaatsinaatsut marluk taakkulu sammisassavaat nutaarsiassat ullutsinni pisut tunuliaqutaat pisullu qanoq imminnut ataqatigiinnerat. Siunertaavoq nutaarsiassat ingerlaartuartut tamatigut sammisanngisaasa tassalu nutaarsiassat tunuliaqutaasa suusinnaanerisa ersersinniartarnissaat paasiuminarsarnissaallu.

Alaatsinaatsut aallakaatitsivimmeeqatigineqartartussat aappaat:

  • Paviaaraq Heilmann, Siumut sinnerlugu Naalakkersuisunut ilaasortaasimasoq, Royal Greenland A/S-imi qullersanut ilaasimasoq, KNAPK-milu atorfeqarsimasoq, maanna allaffimmi pisortatut atorfeqartoq soraarnerussutisiaqarnissamut aningaasaateqarfimmi SISA. 
  • Kuupik Kleist, Folketingimut, Inatsisartunut Naalakkersuisunullu Inuit Ataqatigiit sinnerlugit ilaasortaasimasoq, kiisalu Inuit Ataqatigiinnut Naalakkersuisunullu siulittaasuusimasoq. Maanna atorfeqartoq siunnersortitut ukununnga Inuit Issittormiut Kattuffiat, TANBREEZ Mining Greenland aamma North Atlantic Protein.

Alaatsinaatsut aallakaatitsivimmiittartussat aappaat:

  • Daniel Thorleifsen, oqaluttuarisaaneq pillugu Aarhus Universitet-imi ilinniarsimasoq, alaatsitaatsutut peqataasartoq, maannalu Nunatta Katersugaasiviani Allagaateqarfianilu pisortatut atorfilik.
  • Sten Lund, Cand. Scient. Adm.-itut Ilisimatusarfimmi ilinniarsimasoq, alaatsinaatsutut peqataasartoq, maannalu Namminersorlutik Oqartussani research koordinatoritut atorfilik.

KNR-imi qilanaarpugut. Nutaarsiassaqartitsivimmi pisortaq, Mikkel Bjarnø Lund:

  • Iluatsitsilluartutut immitsinnut isigivugut politikeritut misilittagaqarluartut ilisimasaqarluartullu Paaviaaraq aamma Kuupik isumassarsiamut uunga peqataajumallutik akuersimmata. Naalakkersuinikkut pisartut tunuliaqutaat pillugit ilisimasatik atorlugit naalakkersuinikkut ingerlaatsimut tunngasut aalajangiisarnerillu pillugit nassuiaassisinnaanertik ataqatigiissitsisinnaanertillu atorlugit isiginnaartut paasissutissanik ilisimasaminnik avitseqatigisinnaagaat qularutiginngilarput. Neriuppugut isiginnaartut aallakaatitaq tigulluarumaaraat.

Aallakaatitani siullerni annerusumik sammineqassaaq nunatsinni naalakkersuinikkut pissutsit. Ungasinnerulaaq isigalugu sammineqartartussanut ilaapput nunani allani naalakkersuinikkut pisut taakkulu nunatsinnut sunniutigisinnaasaat.

”Qiviarfik” aallaqqaammut ataasinngornikkut aallakaatinneqartassaaq decemberip 4-aat ilanngullugu. ”Qiviarfik” kalaallisuujussaaq, qallunaatut allagartalersorneqartassalluni.

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!