Politikerit inuunerup pitsaassusia pillugu ataatsimiilerput
Inuunermi nalillit, pingaartumillu nunaqarfinni inuunerup pitsaassusia pillugu, Kommuneqarfik Sermersuumi aqutsisut, Nuummi septembarip ulluisa 24-annit 26-ata tungaanut ukiumoortumik ataatsimiissapput. Kommuneqarfik Sermersuup nittartagaani tamanna atuarneqarsinnaavoq.
Kommuneqarfik Sermersuumi politikerit isumasioqatigilerunik aaqqissugaaneq immikkut sammissavaat.
- Siorna isumasioqatigiinnermi kommunalbestyrelsi aamma nunaqarfinni aqutsisut isumaqatigiissusiaat nangiinneqassaaq itisilerneqassallunilu. Nunaqarfinnut aningaasaliissutaasartut, suliniutit killiffii, nalimmassaanerit tulleriissaarinerillu sammineqassapputtaaq, Kommuneqarfik Sermersooq allappoq.
Nunaqarfinni inuunerup pitsaassusia immikkut aamma sammineqassaaq:
- Inuuneq, isumaginninneq, nalimmassaanerit, pinaveersaartitsinerit, najukkami inerisaanerit, meeqqat pisinnaatitaaffii, atuarfiit meeqqeriviillu oqaluuserineqassapput, Kommuneqarfik Sermersooq allappoq.
