Politikerit illorsuarmut tapersiisut

Ilulissat Kangerluata nunarsuarmioqatigiinnut kingornussassanngortinneqarsimasup illorsuassartaa 1100 kvadratmeterinik angissuseqartussap piviusunngortinneqarsinnaanera qalliallanneqarpoq.
februaarip 27-at 2014 15:13

Qaasuitsup Kommuniani kommunalbestyrelsip tamarmiusup ataasinngormat ataatsimiinnermini akuersissutigivaa illorsuup Ilulissat Kangerluata eqqissisimatitaanera pillugu kateriffiusussap pilersaarusiorneqarneranut 8 million koruunik ukiut sisamat ingerlanerani aningaasartuuteqarniarluni.

Tamatuma saniatigut qallunaat aningaasaateqarfiat Realdani suliniummut, sanaartornermi 112 million koruuninik naleqartussamut, annertuumik soqutiginnilluni takutitsisisareeerpoq.

Taamaattumik Realdaniap illorsuaq imminut akilersinnaanersoq misissuiffigisimavaa.

Misissuinerullu takutissimavaa suliniutip ingerlateqqinnissaa tunngavissaqartoq:

- Kommuunip Realdaniallu aningaasartuutissanut tunngasunik isumaqatigiillutik inissinneranni illorsuup piviusunngortinnissaanut qalliallarujussuarpugut, maannami tassa kommuunip aamma Realdaniap isumaqatigiissutigilerpaat suliniut qanoq isikkoqassanersoq aningaasartaalu aamma qanoq agguataarneqassanersut. Realdania suliniummi annertunerpaamik aningaasaliisussaassavoq, UNESCO sinnerlugu aqutsisoq, Naja Habermann, taama oqarpoq.

Maannalu tassa Realdania aningasaateqarfittut kisimi aalajangertussanngorpoq sanaartornissamut aningaasartuutissat, tamakkiisumik 112 million koruuninut missingerneqarsimasut, annerpaartaannut aningaasaliiniarnerluni.