Politikeri alla Atassummit aamma ilaasortaajunnaartoq

Atassutip siulittaasua partiimit marlunngormat tunuarpoq, kisiartaanngilarli.

Atassut sinnerlugu Kommune Kujallermi kommunalbestyrelsimi ilaasortaq Josef Petersen, Atassummit tunuarluni Siumut sinnerlugu kommunalbestyrelsimut maanna ilaasortanngorpoq. Josef Petersen tusagassiuutinut taama nalunaaruteqarpoq:

- Aalajangerniarneq sivisuumik eqqarsaatigereerlugu nalilersuilluareerlungalu tamanna aalajangiissutigaara, Josef Petersen taama oqarpoq.

Kommunalbestyrelsimi kisimiippallaarneq isummersoqatissaqanngittarnerlu Atassummit tunuarniuteqarnerminut ilaatigut tunngavilersuutigai, aammali tunngaviusumik isummersortarnerup allanngoriartornera, anguniagassallu partiimi allami angujuminarnerusinnaaneri tunngavilersuutigai.

Angallannermut isumaqatigiissutip nutaap atuutilersinneqarnera Atassummit tunuarniuteqarneranut oqimaalutaaqataasimavoq.

Josef Petersen Siumumi januaarip ulluisa arfineq-aappaanni ilaasortanngorpoq, Siumullu akuerissappagu kommunalbestyrelsimut ukioq manna qinersisoqarnissaanut sassaqqinniarnini aamma nalunaarutigalugu.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!