Politiit toqutsisoqarneranut atatillugu ilisimannittussarsiortut
Politiit ambulancellu erngerlutik sumiffimmut tassunga ornigupput. Tassani najugaqartoq, angut kalaaleq, toqungasoq nassaarineqarpoq. Politiit tusagassiutinut allapput.
Angut ulloq taanna toqusimasutut nalunaarutigineqarpoq suliarlu toqutsisoqarsimasutut misissorneqalerluni.
Arnaq angummut toqutsisutut pasineqarluni ulloq taanna tigusarineqarpoq. Nuummilu eqqartuussivimmi kingorna sassartinneqarami ulluni 28-ni tigummigallagassanngortinneqarpoq. Suliaq eqqartuussivimmi matuni matoqqasuni suliarineqarpoq.
Taamaammat Politiit suliamut tunngatillugu allanik paasissutissiisinnaanngillat, taamaallaat inissiami pinerluttoqarfimmi piffissami tassani inuit arlaliusut arnarlu kalaaleq taakkunani ilaasoq oqaatigisinnaallugu.
Politiit arnaq taanna allalluunniit suliamut tunngatillugu ilisimasaqartut sumiiffimmiluunniit tassaniissimasut attaveqarfigerusuppaat.
Nuummi politiit normoraat: 70 14 48.
AAMMA ATUARUK Nuummi arnaq toqutsisimasutut tigusarineqartoq