Politiit tillitanik tuniniaasoqarsinnaanera eqqumaffigeqqugaat
Sisimiuni politiit MDC-datamut tillinniarneq misissuiffigaat. Politiit tusagassiuutinut nalunaarummi taama allapput.
Allattoq Jonas Fievé, Ane-Marie Petersen
Tillinniarnerit oktobarip aappaanni unnuaannarmi oktobarillu arfenarileraa pipput.
Oqarasuaatit iPhone, Samsung, Huawei, siutequtit højttalerillu katillugit 45.000 koruunit missaanni nalillit tillinneqarsimapput.
Sisimiuni politiit tillinniarsimasutut pasineqartoq tigusaraat suliarlu suli misissuiffigalugu.
Inuit tillitaasimasinnaasunik neqeroorfigitinnissartik eqqumaffigissagaat politiit kaammattuutigaat. Tillinniarsimasunilluunniit pasisaqarunik politiit saaffigineqassasut tusagassiuutinut nalunaarummi allappoq.