Politiit Nuummi savimmik kapisisoqarneranut takunnittussarsiortut
Aqqusinersuarmi kommunip allaffiata H.J. Rinks Vejillu akornanni angut ataasinngormat unnukkut unnuap qeqqalernerani qungatsimigut kapineqarpoq.
Politiit naapertorlugit sakkortuumik pinerlunneruvoq toqutseriarnertullu paasiniaaffigineqarluni.
- Suliami pasisaqarpugut atiatigut ilisimasatsinnik, taannalu ujaarivarput, Nuup politiivini piareersimasut pisortaat Brian Thomsen oqarpoq.
Suliaq pillugu annertunerusumik oqaaseqarumanngilaq, paasiniaaneq politiinit ingerlanneqarmat.
Politiit Nuummi Aqqusinersuarmi blok 4-p 5-illu eqqaanni saassussisoqarneranik takunnissimasinnaasut oqarasuaatikkut 701448-mut imaluunniit politeeqarfimmut ornigunnikkut saaffiginneqquaat.