Politiit ittuat: Parisimi pisut sakkortuumik qisuariarnitsinnut peqqutaapput

Politiini unnerluussisussaatitaasut ittuat Morten Nielsen oqaluttuarpoq, siorasaarut ullup qeqqata siorna nalunaaqutaq 9.40 tigugamikku, Parisimi allanilu pisut pissutigalugit Naalagaaffimmi politiit tamarmik upalungarsimanerisa qaffassimatinneqarnerisa peqqutigigaa, Namminersorlutik Oqartussat allaffii aamma Nuuk Center qimanneqartussanngorlugu aalajangersimallutik.

Allattoq Jens Thorin

novembarip 26-at 2015 12:36

Taava arlaanni aarlerinartoqarsinnaasoralugu, illorsuit pineqartut politiit maanna misissoraat aamma oqaluttuarpoq. Taava aamma taassuma saniatigut misissuipput, siorasaarummik nassiussisimasoq kinaasinnaanersoq paasiniarlugu.

Aamma atuaruk Namminersorlutik Oqartussanut sioorasaarisoqartoq

Aperaarput, illorsuit ningorneqarnissaannut suut tunuliaqutaanersut.

Akivorlu, upalungaarsimanerup qaffanneqarsimanera tunuliaqutaasoq, taavalu taamaatsillugu siorasaarisoqarmat allatut iliorsinnaannginnamik taamaaliorlutik.

Aamma oqaluttuarpoq, maanna misissuinerminni eqqarsaatinut ilaasoq, tarnimigut nappaatillip issatsiaq siorasaarisimaneratut ittumik pisoqarnersoq, kisianni nalugitsik aamma oqaatigalugu.

Unnerluussisussaatitaasut ittuata Morten Nielsenip maannakkorpiaq oqaatigisinnaanngilaa, upalungaarsimanerup qaffanneqarsimanera qaqugu taamaatissaneritsik.