Politiit aalakoorluni biilertoqarneranik juulleriartornerani nakkutilliiniartut
Nuummi politiit piffissami aggersumi aqqusinikkut angallattut imigassartorsimalluni uuttuummut suputitsisassapput takuniarlugu inuit imigassartorsimatillutik biilernersut. Tamannalu aamma Nuummi angallattunut eqqaasitsissutitut allagartani takuneqarsinnaajumaarpoq eqqaasississutitut, Kalaallit Nunaanni Politiit Facebookkikkut taama ilisimatitsipput.
Juullip qaammataani inuit suliffeqarfimminni, peqatigiiffinni angerlarsimaffimmilu julefrokostertarnerat tamatumunnga pissutaavoq.
Ingerlatitsisinnaanermut allagartat annaasinnaavat
Julefrokosternerup kingorna amerlaqisut biilerlutik angerlartarput, taamaalisoqarneranilu politiit imigassaq aap akuaniittoq 0,5 promille qaangersimaneraa misissortassavaat.
Imigassaq aappit akuaniittoq 0,5 promille qaangersimappagu imigassartorsimallutit ingerlaarsimassaatit. Ajutoorsinnaanerup saniatigut akiligassinneqarsinnaavutit, taannalu qaammammut akissarsiavit angeqqataanik naleqarsinnaavoq taamatullu aamma ingerlatsisinnaanermut allagartat ukiuni arlalinni annaasinnaallugu, politiit taama ilisimatitsipput.