Ikiaroornartunik eqqussisoq pineqaatissinneqartoq
Angut Danmarkimi najugaqartoq, Nuummi mittarfimmi ukioq manna marsimi tigusarineqarpoq, ikiaroornartut tassani eqquteriaraluarpai, maajillu ulluisa 18-ianni pineqaatissinneqarluni.
- Pineqaatissiissut naammagisimaarutigaarput, hashimimmi ikaroornartumilluunniit allamik eqqussuisarnerup akuersaarneqannginnera taamaalinikkut takutissinnaagatsigu, Kalaallit Nunaanni politiit taama oqarput, nangillutillu:
- Tamanna aamma atuuppoq siornatigut pineqaatissinneqarsimanngikkaluaraanniluunniit, Hans Falck-Petersen, unnerluussisussaatitaasut sinnerlugit eqqartuussinermi najuuttoq oqarpoq.
Aamma atuaruk Meeqqat Illersuisuat: Ikiaroornartumik atornerluinerup meerartagut aamma eqqortarpai
Ukiumik ataatsimik pineqaatissinneqarsimasunut inissiisarfimmiittussanngortitaanerup saniatigut suliamut aningaasartuutit angutip inuusuttup aamma akilertussanngorpai.