Københavnip Timmisartoqarfissuani inuit terminal 3-mit politiit qimagussortikkaat
Kufferti pasinartutut isigineqartoq pissutaalluni taamaaliortoqarpoq, taamatullu pisoqaraangat inuit aallariartortarfimmit qimagussorneqarnissaat nalinginnaasumik pisarpoq, Morten Bro oqarpoq.
Inuit qassit qimagussorneqarsimanersut ilisimaneqanngilaq.
- Qasserpiaanersut suli ilisimanngilarput. Aatsaammi qimagussorneqaqqammerput, tusagassiisartoq oqarpoq.
Aamma atuaruk LIVE & ASSIT Attaveqaqatigiittarfinni #Paris pillugu nutaarsiassat kingulliit
Aallariartorniartut Terminal 2-mut ingerlateqqinneqarsimasut ilisimatitsissutigineqarpoq, kinguaattoortoqarsinnaaneranillu kinguneqarsinnaavoq.
Københavnip politiivisa nittartakkatigut attaveqaqatigiittarfikkut Twitterikkut allaaseraat mittarfimmi pasinarsinnaasumut tunngasumut ornigussimallutik.
Carsten Reenbergilli politiineersup suunersoq oqaatigiumanngilaa.
Inuppassuilli sumut qimagussorneqassanersut aperineqarami oqaatigaa tamanna paasinarsiumaartoq.
Aamma atuaruk Parisimi politiit misissuineranni imminut pilliutigaluni qaartitsisoqartoq