Polaroil nutaamik pisortartaartoq
Githa Brask Olsen Polaroilimi 2015-imili pisortap tulliatut atorfeqarsimavoq, pisortallu Tage Lindegaardip teknikkeqarnermi pisortatut atorfitoqqani uterfiginiarlugu aalajangiummagu Githa maajip aallaqqaataaniit pisortaagallalersimavoq.
Githa Brask Olsen Aalborgip Universitetiani allaffissornermut inuiaqatigiilerinermillu bacheloritut ilinniarsimasuuvoq. Ukiunilu 1994-imiit 2015-imut A/S INI-mi atorfinni assigiinngitsuni atorfeqarsimalluni.
Githa Brask Olsen KNI-p ikummatissalerinermik immikkoortortaqarfiata Polaroilip oqaluttuarisaanerani arnani siullersaalluni pisortatut atorfinittuuvoq. Tassami uulialerinermik suliffeqarfiit angutinit nalinginnaasumik suliffigineqartarsimagaluarput.
Githap pisortatut atorfinitsinneqarnerata takutippaa arnat atorfinni qaffasissuni atorfinittartut ukiuni kingullerni takussaaneruleriartuinnartut, KNI-p pisortaanera Peter Grønvold Samuelsen tusagassiutinut allappoq.