Playboyimik pilersitsisoq, Hugh Hefner, toquvoq
Angutinut atuagassiamik Playboyimik pilersitsisoq amerikamiu Hugh Hefner 91-inik ukioqarluni toqukkut qimaguppoq.
Allattoq Ritzau
septembarip 28-at 2017 07:57
Atuagassiap Playboyip tweeterikkut tamanna danskit nalunaaqutaat malillugu ullaap tungaani uppernarsarpaa.
Hefnerip angutinut atuagassiamik aallartitsiniarlerami akissaqarumalluni ilaatigut arnaminit aningaasanik atoriarluni atuagassiaq Playboy siullerpaamik decembarimi 1953-imi saqqummersippaa.
Hefner New York Timesimit 2008-imi apersorneqarluni taama oqaluttuarpoq.
Atuagassiaq saqqummersinneqarneranit ussassaariniarluni Marilyn Monroe saqqaaniitinneqarpoq - atuagassiarlu taamani 50.000-it sinnerlugit naqiterneqarpoq. Ukiullu tallimat ingerlaneriinnaani atugassiaq milliuninngorlugu saqqummersinneqartalerpoq. Tusaamasanngorlunilu.
Hefnerip arnanik eqqaminiititaqartuaannarnini aamma tusaamasaassutigivaa arnanillu arlalinnik aappaqartarluni.
