Pizzap ananassilerneqartarnera Islandip præsidentiata 'kamannarigaa'
Islandip præsidentia, Guðni Th. Jóhannesson, Akureyrimi meeqqat atuarfiannut sapaatit-akunnerata siuliani pulaarpoq. Pizzap akussai pillugit apeqquteqarfigineqarami inatsimmik allannguinissamik siunnersuuteqalersaalerpoq...
Allattoq Kenneth Elkjær
februaarip 21-at 2017 11:41
Nutserisoq Simon Uldum -
Quiasaarigunarluni taamaaliorpoq. Islandimiulli præsidentiat taamaallutit pizzatoriartoqqussagaluarukku, taava pizzap akussaa aalajangersimasoq atornaveersaartariaqassavat.
Islandip præsidentia Akureyrimi atuarfimmut pulaarnermini aamma aperineqarpoq arsaattartuni sorliit illersugarinerai. Aammali pizzap ananassilerneqartarnera pillugu aperineqarpoq.
Præsident Jóhannesson akivoq pizzap ananassilerneqartarnera akuerisinnaanagu, aamma nammineq aalajangiisinnaasuuguni inerteqqutigineqarnissaa sulissutigisinnaallugu atuartunut hawaii-pizzaguttunut oqaatigaa.
Præsidentilli akissutaa quiasuppasilluni oqarnertut nalilerneqarpoq.
