Pituffimmi kiffartuussinissamik isumaqatigiissut suli oqallisaavoq

Pituffimmi kiffartuussinissamik isumaqatigiissutip aaqqiivigineqarnissaanut atatillugu Martin Lidegaardip USA-mi nunanut allanut tunngasunut ministeri iliuuseqaqquaa.
apriilip 26-at 2015 17:02

Pituffimmi kiffartuussinissamik isumaqatigiissutip aaqqiivigineqarnissaanut atatillugu Martin Lidegaardip USA-mi nunanut allanut tunngasunut ministeri iliuuseqaqquaa.

 

Issittumi Siunnersuisoqatigiit ataatsimiinneranni nunanut allanut tunngasunut ministeri Martin Lidegaard Amerikamiut nunanut allanut tunngasunut ministeriannik John Kerrymik kiinarsillugu issiaqateqarnissaminut qaqutigoortumik periarfissinneqarpoq. Periarfissaq tamanna atorlugu Pituffimmi kiffartuussinissamik isumaqatigiissut Amerikamiunit Exelis Services-imit isumagineqalersussaq oqaloqatigiissutigineqarpoq.

 

- Pineqartup oqallisigineqarnerata unitsinneqannginnissaa ullumikkut pingaaruteqarpoq. Aamma Kerry ministeritut issiavimminit tinnersaasariaqarpoq. Tamatumunnga atatillugu oqaluttuunniarpara pineqartoq Kalaallit Nunaannut Danmarkimullu pingaaruteqartorujussuummat tinnersaasariaqartoq, Martin Lidegaard oqarpoq.

 

Taassuma erseqqissarpaa, suliassap iliuuseqarfigineqarnissaa nukinginnartuummat. Naalakkersuisunit oqaatigineqarpoq suliariumannittussarsiuussinerup aallaqqaataaniit uteqqinneqarnissaa imaluunniit allatut periarfissiisoqarnissaa kissaatigineqartoq.

 

Pituffimmi kiffartuussinissap isumaqatigiinniutigineqaqqinnissaa aamma naatsorsuutigaara, qanittukkummi aaqqiissummik nassaartoqartariaqarmat.

 

Aaqqiissutissamik nassaartoqanissaa neriuutigalugu Naalagaaffeqatigiinni suleqatigiissitaliornikku tsulisoqarpoq.

 

- Kalaallit Nunaat aamma Danmark suleqatigiilluartut isumaqarpunga. Ataatsimoorlutami Amerikamiut peqatigalugit ajutoornerup pilersup aaqqiivigineqarnissaanut nassaarniaqatigiissaagut, Martin Lidegaard naggasiivoq.