Suka K. Pituffik akunniffigineqarsinnaavoq

Qaanaami innuttaasut piniartullu Pituffimmut ajornartoqanngitsumik tikeraarsinnaapput. Nunanut allanut tunngasunut naalakkersuisoq, Suka K. Frederiksen KNAPK-mut akissuteqarluni erseqqissaavoq.

KNAPK-mi ilaasortat Pituffimmut akunninnissaq ajornartorsiutigingaatsiaraat, kattuffik naalakkersuisumut ammasumik allagaqaammini ungasinngitsukkut isornartorsiuivoq.

Suka K. Frederiksenilli tamanna akerlilerpaa. Qaanaami eqqaanilu najugaqartut Pituffimmut aqqusaarnissaminnut akuersissummik peqaqqaartariaqanngillat.

Sakkutooqarfimmi orsussaq naammattoq pigineqarpat innuttaasut sakkutooqarfimmi orsernissaminnut periarfissaqarput. Nioqqutissallu pineqartillugit nioqqutissat akikillisat Deglit pisiarineqarsinnaapput kiisalu amerikamiut pisiniarfianni BX-imi annikitsumik niuerniartoqarsinnaavoq.

Tassalu eqqaaneqartut tunngavigalugit innuttaasut piniartullu Pituffimmiissinnaatitaasut, Suka K. Frederiksen KNAPK-mut akissuteqarluni allappoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!