Pissassarfik ajornartorsiorpoq

Kalaallit Nunaanni sulisunut aqutsisunullu ineriartortitsinermik pikkorissartitsivik GPL-imik siornatigut taagorneqartoq maanna peqatigiiffik Pissassarfik ajornartorsiorpoq. Pikkorissartitsinissamut neqeroorutit arlallit ukiuni kingullerni marlussunni taamaatiinnarneqartarsimapput, ilaasortallu ikiliartortut aviiseeqqami Sermitsiamut ilanngussami ilaatigut allaaserineqarpoq.

Pissassarfiup akigitittagai ilaasortat ilaannit qaffasippallaararneqarsimapput, suliffeqarfiit pikkorissartitsinissamut akiliutigisartagaannit tapiissuteqartoqarsinnaasimanngimmat, kalaallit pinnagit Danmarkimili pikkorissartitsisartut Pissassarfiup suleqatiginerummagit.

Pissassarfiulli siulittaasua Lars Møller-Sørensen isornartorsiutinut akissuteqarluni aviiseeqqamut oqarpoq, suliffeqarfiit ilaasortat Pissarsarfiup neqeroorutai atornagit pikkorissaasartuni allani pikkorissartitsisartut kiisalu Niuernermik Ilinniarfiit pikkorissaatigisartagaat pasinapiluttumik Pissassarfiup pikkorissaatigisartagaanut assingusut pikkorissaatigineqartalersimasut. Tamanna pillugu Niuernermik Ilinniarfimmi forstanderi Bo Nørreslet Radioavisimut ima oqarpoq:

- Naagga, taamaanngilluinnarpoq, soorunami taamaaliorneq ajorpugut. Bo Nørreslet isornartorsiuinermut akissuteqarluni taama oqarpoq.

Aamma oqarpoq, pikkorissaanissamut neqeroorutit Pissassarfimmut allaat ilaarsiniarnertut taaniarneqartut suulluunnit pineqarnersut nalullugit.

- Suleqatigisartakkavullu pikkorissartitsinissanik ineriartortitsisarpugut, suliffeqarfiit pikkorissartitsiumasut piumasaat pisariaqartissinnaasaallu tunngavigalugit. Bo Nørreslet tunngavilersuivoq.

Forstanderi aamma nassuiaavoq, Niuernermik Ilinniarfiup pisussaatitaanini tunngavigalugu niuernermut tunngasunik assersuutigalugulu aningaasaqarnermut ingerlatsinermut tunngasunik pikkorissartitsisartoq.

- Nalunngilarput allat aamma assingusunik sullitaminnut pikkorissaasartut, kisianni aamma uagut allanik sullitaqaratta tamanna uniffigisinnaanngilarput.  Erseqqissaavoq.

Bo Nørresletip aamma oqarpoq, Pissassarfik ukiuni kingullerni arlaleriarlugu suleqatigiinnissamik neqeroorfigisarsimagaluarlugu maannamut iluatsitsiviunngitsumik.

- Akikinnerusumik ujartuissagutta suleqatigiinnissaq aqqutissatuaavoq, tamannali angusinnaanngikkutsigu immitsinnut unammillertutut isigisariaqarpugut. Bo Nørreslet oqarpoq.

Peqatigiiffik Pissassarfik nutaanik siulersuisortaaqqammerpoq, siulittaasorlu Lars Møller-Sørensen oqaaseqartinniaraluaratsigu iluatsinngilarput, aviiseeqqaminnulli Pissassarfimmut oqarpoq, siulersuisunngortut ingerlariaqqinnissamut piumassuseqarluartut, kalaallillu aqutsisut pitsaanerpaamik ineriartortinneqarnissaat pingaartuummat danskit kalaallillu pikkorissaasartut ukiamit ataatsimeeqatigineqassasut.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!