Pissartanngorniuunneq pissanganartoq malinnaaffigiuk

B-67 aammaarluni pissartanngoqqissava? G-44, najukkami unammisussaq, guultinnassava? Imaluunniit IT-79 ukioq manna pissartanngussava? N-48-luunniit? Apeqqutit taakku KNR-TV-kkut akissutissarsisinnaajumaarpatit, unamminerimmi toqqaannartumik aallakaatinneqartussaapput. 

Pissartanngorniuunneq pissanganarluinnartussaavoq. B-67 arsartuisa, sungiusaasoq oqallisaaqisoq Tekle Ghebrelul sungiusaasuralugu, takutinniartussaavaat Nunatsinni sungiusaasuginnerpaallutik. 

IT-79, unammisartuujutigaluni sungiusaasoq Kaassannguaq Zeeb aamma Hans-Karl Berthelsen siuttoralugit, klubbinut tamanut unammillersinnaajuaannarput. IT-79 ajorsartissallugu ajornakusuussaaq klubbilu taanna pissartanngoratarsinnaalluarpoq. 

Najukkami unammisussat G-44-meersut nunanut allanut anammisartunik arsartoqarput. Tassa John Ludvig Broberg, Lars-Peter Broberg aamma Nukannguaq Zeeb. G-44 qularnanngitsumik pitsaanerpaamik angusaqarniarluni sukataassaaq. 

GM-imi unammisussat ukuupput:

G-44 Qeqertarsuaq, Siuterok 43 Nanortalik, Kugsak 45 Qasigiannguit, T-58 Upernavik Kujalleq, Kâgssagssuk Maniitsoq, Nagdlunguak 48 Ilulissat, B-67 Nuuk og IT-79 Nuuk.

Unammineq siulleq KNR-ip takutitassaa nal. 14.50 aqagu arfininngornermi aallartissaaq, tassani T-58 aamma G-44 unammissapput. 

Aallakaatinneqartussat uani takukkit