Pissaaneqarniuttut naligiiginnarput

Pingasunngornermi unamminerit aalajangiisuussapput angutit arsaallutik pissartanngorniunneranni kikkut semifinalemut anngunnissaannut.

Nagdlúnguak aamma B-67 naligiiginnarmata arsaalluni pissartanngorniunneq pissanganarseriaannarpoq.

- Pingasunngornermi unamminerit kingorna paasinarsiumaarpoq kikkut puljemi ajugaasuujumaarnersut, GBUp siulittaasua Lars Lundblad KNR.gl-mut oqarpoq.

Unamminerit aallarniutaasut naammassippata Nagdlúnguak aamma B-67 pointeqatigeeriaannaapput. Taamaasippat målit amerlassusaat apeqqutaalersinnaavoq puljemi ajugaasussat nassaariniarneranni.

Pulje 1-mi G-44 ajugaangaluttualerpoq. Taamaattoq siukkaq pikkorissoq Zakorat Zeeb unammersuarnerit sinnerani arsaqatigisinnaajunnaarpaat marlunngornermi unnukkut annertuumik ajoqusermat. Kisianni FC Malamuk aamma Eqaluk 54 semifinalemut anngunnissamut suli periarfissaqarput taakkunanngalu kikkut ingerlaqqissanersut sisamanngornermi unnukkut aatsaat paasinarsissaaq.

Marlunngornermi angusat:
Nagtoralik – ATA 6-1
SAK – FC Malamuk 2-3
B-67 – Nagdlúnguak 1-1
UB-83 – G-44 1-8

Pingasunngornermi unamminissat:
Nal. 14.00 Kugsak 45 – Nagtoralik
Nal. 16.00 Eqaluk 54 – SAK
Nal. 18.00 Nagdlúnguak – ATA (KNR-TV-mi toqqaannartut)
Nal. 20.00 G-44 – FC Malamuk (KNR-TV-mi toqqaannartut)

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!