Pisortanit ikiorsiissuteqarfigineqartut aatsaat taama ikitsigisut
Nunatsinni pisortanit aningaasatigut ikiorsiissuteqarfigineqartut siorna piffiup ilaani 6065-iupput, ukiunilu arfinilinni aatsaat taama ikitsigipput. Naatsorsueqqissaartarfimmit kisitsisini nutaani tamanna atuarneqarsinnaavoq.
Ukioq 2013-imi pisortanit ikiorsiissuteqarfigineqartunit 8008-sunit taakku ikinnerungaatsiarput, tassanilu ukiumi pisortanit ikiorsiissuteqarfigineqartut ukiuni arfinilinni amerlanerpaaffigaat.
Aningaasaqarnerup tungaaniit isigigaanni ukioq 2016 ukiutsialaavoq. Suliffissaaleqisukinnerusoq nalunaarsorneqarpoq, aningaasallu ikinnerusut assersuutigalugu biilinut atorneqarlutik. Taakku KNR-imit siusinnerusukkut allaaserinikuuagut.
Ukioq kingulleq aningaasanik atuinnginnerpaaffiunera 109 millionit koruuniinnaat ikiorsiissutigineqarput. 2014-imi aningaasanik ikiorsiissuteqarnerpaaffiusumi 162 millionit koruunit atorneqarput.
AAMMA ATUARUK Biilit amerleriarujussuartut
AAMMA ATUARUK Suliffissaaleqisut ikiliartortut