Pisisa.gl - nunatsinni internetsikkut pisiniarfiit annersaat

Pisisartut nunaqarfinni minnerpaani allaat nioqqutissarpassuarnik tusindtilippassuarnik ippassamiit pisisinnaalerput, sumiiffimminni Pilersuisumut apuuttussanik. Tassa pisisartut internetsimut attavillit.

Internetsikkut pisiniarfiusinnaasoq annerpaaq, Pisisa.gl, KNI-p ippassaq maajip ulluisa aallaqqaataanni ammarpaa, nioqqutit nerisassaanngitsut, soorlu iggavinni errorsisarfinnilu atortorissaarutit nutaaliat, piniarnermi aalisarnermilu atortussat taavalu angerlarsimaffinni atortut assigiinngitsut sarfatortunullu atortut.

KNI tusagassiuutinut ima allappoq:

- Kalaallit Nunaanni isorartoqisumi, inuisalu avinngarusimaqisut, internetsikkut pisiniarsinnaaneq maannamut killeqarsimaqaaq, Pisalli pilersinneratigut maanna ajornannginnerulersipparput.

- Pisiat attorlugit misissuataarneqarsinnaanngimmata nassuerutigaarput, soorlu pisiniarfinni pisiniaraangatta taamaasiorsinnaasartugut. Nunarfinnili najugaqaraanni ulluinnarni pisiassat ikittuinnannguit sivisuumik immaqa peqqumaasivimmiissimasut kisimik pisiassaasarput.

Nuummi, Sisimiuni, Qaqortumi Maniitsumilu, Pilersuisup pisiniarfiinik soqanngitsuni, Pisisa.gl-ip suleqatigai Blue Water Shipping, pisiallu tunniunneqarnissaat aaneqarnissaallu pisisunut taakku isumagisarpaat.

Isummersuutit

KNR TV toqqaannartoq

Ataasinngorneq 3. NOV QAQORTUMI

SMS-ikkut Facebookikkullu apeqquteqarit

19:30 Qinersisartunik ataatsimiititsineq kalaallisut

(KNR2-kkut toqqaannartumik danskisunngortinneqassaaq)

21:30 Qinersisartunik ataatsimiititsineq danskisut

(KNR2-kkut toqqaannartumik kalaallisunngortinneqassaaq)

Aallakaatitsiffissat tamarmik takukkit >>

Qanorooq 19:00 aamma 21:00
nutaaneq uani takuuk

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl