Pisiffiup nioqqutissanik eqqaanini unitsinniaraa
Pisiniartillutit akikillisanik qaangiuttuulersunik ajoquteqanngitsunik naammattuuigaangavit iluatsitsisutut misigisarpit? Taava maanna qilanaarsinnaangorputit. Maanna Pisiffiup pisiniarfiini tamani nioqqutissat akikillisat nassaariuminarninngussapput.
Nioqqutissat akikillisat ”Nerisassanik maangaannartitsineq - qujaannarpunga”-mik taallugu immikkut inissinneqartalissapput nassaariuminarnerulerlutillu. Periuseq taanna pisiniarfiup qangali atugaraa, maannali tassa ersarissarneqalerpoq.
- Pisisartutta pisiassat tamakku assut eqqumaffigivaat, aamma ”Nerisassanik maangaannartitsineq - qujaannarpunga”-mik inissiivinnut pisiassat inissinnerisa kingorna pinerit tamangajaasa sukkasuumik nunguutsipallattalerpugut, Pisiffimmi pisiortornermi pisortaq Heine Stilling Jensen oqarpoq.
Nioqqutissat Pisiffiup igiinnartagai ukiut marluk iluanni 30 procentinik annikillisinnissaat Pisiffiup anguniagaraa.
”Nerisassanik maangaannartitsineq – qujaannarpunga” iluatsilluareerpoq siumukarsorinarlunilu, taamaattumik suliniut tamanna nuannaarutigaarput, uagutsinnut, pisisartutsinnut avatangiisinullu iluaqutaasoq, Heine Stilling Jensen.
- Tamakkuninnga pisiassanik tuniniaanitsinni aalajangersimasumik inissiiveqartarnitsigut, pineqartunut
pingasuusunut iluaqutaasarpoq: Pisiassamik pitsaasumik akikinnerusumik pisisartut pissarsissapput, uagut pisiassaq tunisinnaanngorparput, kiisalu nerisassanik maangaannartitsineq annikinnerusoq avatangiisinut pitsaasuulluni, pisiortornermi pisortaq Heine Stilling Jensen oqarpoq.