Assi: KNR

KNAPK: Pisassiissutit qineqqusaarutaapput

Qalerallit Qeqertarsuup Tunuaniittut ikiliartortut milliartortullu oqallisaapput. Qalerallit pillugit naassaanngitsumik assortuunneq unitsillugu ajornartorsiut aqutsinikkut aaqqinneqartariaqartoq KNAPK-p siulittaasuata ippassaq Isummersorfimmi oqaatigaa.

Qalerallit Qeqertarsuup Tunuaniittut milliartorlutillu ikiliartorput. Taamaakkaluartoq Naalakkersuisut biologit innersuussutaat qaangerujussuarlugit pisassiisarput.

- Aalisarneqarneri sakkortuumik aalisangaarneqarsimanerat ukiuni kingullerni taanna peqqutaasorujussuuvoq aamma, Pinngortitaleriffimmi attaveqaqatigiinnermi pisortaq Emma Kristensen taama oqarpoq.

Sinerissap qanittuani aalisarsinnaanermut pisinnaatitsinermut akuersissutit ukiut sisamat ingerlanerini 990-inik amerleriarsimapput, naak qalerallit milliartorlutillu ikilagaluttuinnaraluartut.

- Isertitaqarnermut tunngatillugu isertitarisartakkamikkut appariartoqarpoq annertoorujussuarmik, aamma tupinnanngilaq maluginngitsoorneqarsinnaannginnami qalerallit eqqarsaatigigutsigit taama tonsinik amerlatigisunik appariartoqarnera, taanna aningaasanngorlugu annertoorujussuuvoq, KNAPK-mi siulittaasoq Henrik Sandgreen oqarpoq.

AAMMA ATUARUK Qaleralinniarnermi malittarisassat sukaterneqartariaqarput

Pisassiissutillu politikkikkut qineqqusaarutaasimanerarpai.

- Misigisimavunga aamma taama oqartariaqarlunga qineqqusaarutaannartullusooq tamanik akuersissutinik tunniussisoqartarnera uggornartorujussuuvoq.

Qaleralinniarneq pitsaanerusumik ingerlanneqassappat suleqatigiinneq pitsaanerusariaqartoq, Henrik Sandgreen isumaqarpoq. Taavalu aamma assortuutiinnarani akisussaaffimmik tigusisoqartariaqartoq, siulittaasoq oqarpoq.

- Taamaammanuna pingaaruteqartoq aqutsineq aamma tamarmik aalisartut umiatsiaararsortuugunik angallatersortuugunillu akisussaaqataaffigisariaqaraat, taannalu uagut ataqatigiissarneqarnissaa kissaatigiuaannaraluarparput.

AAMMA ATUARUK Qaleralinniarnerup avannarparternissaa aarleqqutigaarput

AAMMA ATUARUK Qalerallit ikilinerat kommunip malugigai

AAMMA ATUARUK Qalerallit mikisut Qasigiannguani suliffinnik ikinnerulersitsisut

 

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!