Pipaluup anini, ukuaasani soralussanilu arfininngormat unnukkut annaavai
Pipaluk ilaquttanilu Nuugaatsiami ilaquttanilu najugaqarput, qatanngutini pingasut angajoqqaanilu aamma nunaqqatigai. Arfininngormat unnukkut igalaakkut ittuarami immap aalalernera takulerpaa.
Nunaqarfimmili ajunaarnersuarmit eqqugaalernera takorloorsinnaasimanngilaa. Nunaqarfik nalunaaqutaq 21.48 tassaarsuarmit eqqugaavoq. Pipaluk Løvstrømip anini, ukussi soraluanilu tassani kingullerpaamik takuai.
- Qummut arpanninni eqqaalerpara soraluannguara, tassalu takusinnaasannik illuat peqarunnaareersimalluni, KNR-imut taama oqaluttuarpoq.
LÆS OGSÅ Fart på islandsk indsamling til fordel for tsunamiramte
Ilaquttani suaartarfigai. Ajunaarnersuarli nalliutereerpoq. Nunatsinni Politiit marlunngormat ilisimatitsissutigaat Pipaluk Løvstrømip aniata, ukuaata soraluaatalu ajunaarsimassangatinneqartut. Nunaqarfimmiu angut utoqqaq aamma ajunaarsimassangatinneqarpoq.
Pipaluk Løvstrøm (kissumiartoq) ilaquttamilu sinneri Uummannamut qimagussorneqarput, tassanilu KNr-imit apersorneqarlutik.
Pipaluk Løvstrøm ilaquttanilu Uummannamut arfininngormat qimagussortinneqarput. Sulilu tassaniipput. Ilaquttamik qimaasa nassaarineqarpallannissaat neriuutigaat.
- Neriuut annerpaaq pigivarput timaat nassaarineqassasut. Nassaarineqanngippata artornassaqaaq taamatut misigisaqarnerput, Pipaluk taama oqarpoq.
Pipaluk Løvstrømip apersorneqarnera tamakkerlugu allaaserisap qulaatungaani isiginnaarneqarsinnaavoq.
LÆS OGSÅ Vores værste mareridt
LÆS OGSÅ Jeg er dybt berørt
