Pinngussat Kinderimeersut tuusintillit Tysklandimi sissamut tipisut
Pinngussat Kinderimeersut mannittut ilusilinnik puullit tuusintilippassuit pingasunngormat unnukkut anorersuarnerata kingorna Tysklandimi sissamut tipisimapput. Nutaarsiassaqartitsivik dpa taama allaaserisaqarpoq.
Allattoq Ritzau
januaarip 06-at 2017 10:48
Meeqqat inersimasullu Tysklandip avannaata kitaani qeqertamut Langeoogikaasimapput. Pinngussat plastikkinik puullit sissamut kilometererpassuarnik isorartutigisumut tipisimapput.
- Ilimanarpoq 100.000-it sinnissagaat, Langeoogimi borgmesteri Uwe Garrels oqaluttuarpoq.
Pinngussallu ajornartorsiutitut isigai.
- Nuanninngilluinnarpoq. Avatangiisinik mingutsitsineruvoq uumasunullu navianarlutik, borgmesteri oqarpoq.
Pinngussat plastikkinik puullit containerinit tallimanit anorersuarnerani umiarsuarmit takanneqartuneersimassangatinneqarput.
/ritzau/
