Iliniartitsisut qulingiluat immikkut ilinniareerlutik pinngortitalerinermik ilinniartitsisutut Ilulissani ullumi allagartartaartinneqarput.
Ilinniartitsisut sinerissami assigiingitsuniit aggerfeqartut , ukiuni pingasuni Inerisaavik Danmarkimilu teknikkimut universitet Århus-imiitoq suleqatigalugit ilinniartinneqarsimapput.
Pinngortitalerinermik ilinniartitsineq nunatsinni pissutsinut naleqqussagaalluni ingerlanneqarsimavoq, atuarfitsialammut anguniakkamut naapertuutuulluni.
Pinngortitamik piujuartitsinissaq, teknologi-ip ineriartornera, nunattalu nunarsuarmioqatigiini inissisimanera pingaartillugit sammineqarsimapput.