Pinngortitaleriffiup raajartassiinissamut siunnersuutini 15.000 tonsimik qaffakkaa
Ima ajunngitsigaaq allaat pinngortitaleriffiup pisassiissutissatut siunnersuutini 2016-imut sanilliullugu 17 procentimik qaffappaa.
- Raajartassiissutigineqarsinnaasunik qaffaassuteqarnermi paasissutissat biologit misissuisarnerinit, raajarniartartut paasissutissaataannit kiisalu naatsorsuusiornernit pissarsiarineqartut raajaqassutsip siuariaateqarsimaneranik inerneqarnerannik tunngaveqarput, pinngortitaleriffik nittartakkamini allappoq.
2016-imi siunnersuutigineqartoq 90.000 tonsiuvoq, kitaanilu raajartassiissutigineqarsinnaasutut siunnersuut 105.000 tonsimiilissaaq. Tunumi pisassatut siunnersuut suli 2000 tonsiussaaq.
- Tunup imartaani raajaqassuseq suli appasittumiittuarsinnarpoq, naak tappavani ukiuni arlaqalersuni annertugisassaanngitsumik raajarniartoqartaraluartoq. Taamaattumik tappavani raajarniarneq pillugu siunnersuineq allannguuteqanngilaq.
