Pinngortitaleriffiup nannut pillugit ilisimatusarnermik suliai nersorniarneqartut

Nersornaasigaasorlu tassaavoq misissuisuuneq dr. philos. Erik W. Born. Nersornaat siullermeerluni tunniunneqartoq nannut pillugit aqutsinermut, ilisimatusarnermut imaluunniit piujuartitsiniarnermut immikkuullarissumik iluaqutissaasumik tunniussaqarsimasumut tunniunneqartassaaq.

Erik W. Born ullumikkut soraarneruvoq Pinngortitaleriffimmulli siunnersortitut suli sullissisuulluni. Nannut pillugit ilisimatusarnini Norgemi, Canadami Nunatsinnilu ukiuni 38-ni kingullerni ingerlappaa, ukiullu taakku ingerlanerini ajasoornaannartumik nannut pillugit ilisimasanik amerlasoorujussuarnik pilersitsisimalluni Pinngortitaleriffiup Namminersorlutillu Oqartussat iluaqutigeqisaannik.

Nersornaat Nunatta nannunut tunngatillugu ilisimatusarnikkut aqutsinikkullu suliniutigisimasaanut, minnerunngitsumillu piniartut ilisimatusartartullu suleqatigiilluartarnerannut nersorinninniutitut isigineqartariaqartoq Pinngortitaleriffiup erseqqissaatigaa.

Assi © : Pinngortitaleriffik

^{Asseq: Pinngortitaleriffik}