Piniartoq ajunngitsoq nassaarineqartoq
Niels Skifte Josefsen sissaq sinerlugu pisuttoq aalisartut ilaannit nassaarineqarpoq tamatumalu kingorna Atammiliaanneqarluni.
Maniitsumi politiineersup Jan Geislerip oqaatigaa, Niels Skifte Josefsen nukillaangagaluarluni ajungitsoq.
Niels Skifte Josefsen marlunnik ilaqarluni sapaatip akunnerani kingullermi umiatsiamik aavariarsimavoq.
Marlunngormat oktobarip 14-ianni Niels Skifte Josefsen umiatsiamut utinngimmat aavaqatasa ujaaralugu aallartipput.
Ujarneqartoq naninnginnamikku aavaqataasa Maniitsumi politiit nalunaarfigaat.
Maniitsumi politiit taamanimiilli aavarfiusoq qulimiguulimmik namminnerlu kajumissutsiminnik ujaaseqataasunit ikiorteqarlutik ujaasipput.
Ullumilu tassa aalisartut ilaasa Niels Skifte Josefsen sissaq sinerlugu pisuttoq nanigaat, Maniitsumi politiit nalunaarput.