Pingaeqqad isumalluartitsivoq
Meeqqerivik nutaaq "Pingaeqqad" Tasiilami ippassaq ataasinngornermat.
Ammaanersiornerlu nuannaffiuvoq.
-Meeqqat nuannisangaatdiarput, aamma sulusut illoqarfimmiullu, meeqqerivimmi Pingaeqqani pisortaq Ane Kuitse taama oqarpoq, inuillu takkuttut 500-t missaaniissimasangatillugit .
AAMMA ATUARUK Tasiilami inuusuttut kulturikkut illorsuartaalersut
Pingaeqqad 88-inik meerartaqarsinnaavoq, 21-nillu sulisoqarsinnaalluni.
Tasiilami meeqqat utaqqisuni allattugaatiniittut tamarmik maanna inissaqalernerat meeqqerivimmi ningiunngortup aamma qujamasuutigeqaa.
- Meeqqerivik uagutsinnut pingaaruteqaqaaq, tulleriiaat amerlanermik meeqqat meeqqerivimmi siornatigut inissaqanngillat. Kisianni qujanartumik meeqqat allat peqatigalugit meeqqerivimmiittalernissaat ullumikkut periarfissarilerpaat, pisortaq taama nassuiaavoq.
AAMMA ATUARUK Tasiilaq Tiilerilaarlu Frankrigimi cirkusimeersunit tikeraartoqartut
Tasiilami meeqqat ulluinnarni paarinerlunneqartoqarmat perorsarneqarnissaminnillu amigaateqartoqartoqarmat, taakkua maanna isumannaatsumik ulluinnarni paaqqinnittarfimmiissinnaalernerat meeqqanut, ilaqutariinnut atuarfeqarnermullu ingerlatsivimmi pisortap Helene Broberg Berthelsenip isumalluarnartippaa.
- Ilaqutariinnguit ajornartorsiortut meeqqaminnik isumassuinerat killeqarpat aamma uagut pisussaavugut taakkua sulisunnguit suleqatigalugit ilusilersuissalluta meeraq qitiutillugu taannalu aallaavigalugu qanoq ililluta inuuneranut isumatunermik taakkuulluta suleqatigiilluta angunissallutigu, Helene Broberg Berthelsen oqarpoq.