Pinerluuteqarsimasunut inissiisarfimmiisinneqartut aavartarput

Pinerluuteqarsimasut inissiisarfianiitinneqartut arfineq marluk ukiaq manna pisarnertut aavartinneqarput.
Sisimiut-fanger på jagt Assi © : Kriminalforsorgen/KNR
Fangede og flåede rensdyr Assi © : Kriminalforsorgen/KNR
Fangere på vej hjem med deres fangst Assi © : Kriminalforsorgen/KNR
Allattoq Niels Krogh Søndergaard, Apollo Jeremiassen
oktobarip 26-at 2014 16:35

Sisimiuni pinerluuteqarsimasut inissiisarfianiitinneqartut sisamat nakkutilliisullu marluk ulluni arfineq pingasuni aavarnerminni 14-nik tuttupput. Taamaalilluni inissiisarfiup iggavia tuttut neqaannik ukiumut eqqanaarsarluarluni.

 

Sisimiunili pinerluuteqarsimasunut inissiisarfimmiitinneqartut kisimik tuttutugassaqartinneqanngillat, tassa tuttut neqaasa ilai Danmarkimi kalaallinut parnaarussivinniittunut pajugutigineqarput.

 

Sisimiuni pinerluuteqarsimasunut inissiisarfimmiitinneqartut tuttunniaannarneq ajorput aamma aalisariartinneqartarput, taamaaliornermi siunertarineqarluni silaannarissumiisinneqarnissaat.

 

Pinerluuteqarsimasut susassaqartinneqartarnerini siunertaavoq taakku inuiaqatigiinnut ilaalerseqqinneqarnissaannik oqilisaaneq, Pinerluttulerinermik Isumaginnittoqarfik allappoq.

 

Pinerluttulerinermik Isumaginnittoqarfiup erseqqissaatigaa, aavaarnerit aalisariartarnerillu nuannaarianermik siunertaqanngimmata namminerli inuussutissanik pilersuisinnaanermik siunertaqartut oqaatigalugu.

 

Isumaginnittoqarfik aamma allappoq taamaaliortarnerit inuiaqatigiinnit paasilluarneqartartut.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq