Pinerlunniat Bruxellesimi ikuallatsitsisimasorineqartut
Naalagaaffiup unnerluussisussaatitaasuata nalunaarutigaa inuit tallimat, pinerluttarneq pillugu ilisimatusarfimmik piaaralutik ullaassaq ikuallatsitsisimasutut pasineqarlutik tigusarineqarsimasut.
Piaaraluni ikuallatsitsisoqarsimasoq takussutissat paasinarsisikkaat nalunaarutigineqarpoq, peqqarniisaarniarnertulli nalilerneqanngilaq, nalinginnaasumillu pinerluuteqarnertut nalilerneqarluni.
- Piaaraluni ikuallatsitsisoqarsimasutut isikkoqarpoq, pinerluunniaqatigiit piliaattut isikkoqarluni. Peqqarniisaarniartoqarsimanissaa ilimaginngilarput, unnerluussisussaatitaasoq Ine Van Wymersch nutaarsiassaqartitsivimmut Reutersimut oqarpoq.
Qaartartumeerisoqarsimaneranik aallaqqaammut nalunaaruteqartoqarpoq, piaaralunili ikuallatsitsisoqartoq kingorna paasineqarpoq.
RITZAU