Pineqaatissinneqarsimasoq qimaasimariarluni nammineq utertoq
Pineqaatissinneqarsimasut marluk ujaarineqartut nassaarineqartut politiinit nalunaarutigineqarpoq.
Allattoq Thomas Munk Veirum, Ane-Marie Petersen
Nuummi pineqatissinneqarsimasunut inissiisarfimmiittut marluk ujaarineqartut ukiutoqqamut aqaguttoq politiinit nalunaarutigineqarpoq. Taakkulu maanna tigusarineqarsimasut politiit oqaatigaat.
Ujaarineqartup aappaa angut 21-nik ukiulik Nuup ilaani Nuussuuarmiittumi Pisiffimmi nassaarineqarmat pissanganartorsiorfiunngitsumik tigusarineqarpoq.
Ujaarineqartup aappaa angut 22-inik ukiulik nammineerluni januaarip aallaqqaataani isertitsivimmukarsimavoq.
Politiini pigaartoq Brian Thomsen taama paasissutissiivoq.