Pilersuisoq Kangaatsiami umiatsiaararsortunut ikiuivoq

Kangaatsiami aalisartunut piniartunullu taakkulu ilaqutaannut sapaatip akunnerata siuliani anorersuarnerani angallatiminnik annaasaqartunut ilaquttaminnillu pilersuisinnaajunnaartunut nuannersumik nutaarsiassaateqarpugut.
Pilersuisoq Kangaatsiami umiatsiaararsortunut ikiuivoq Assi © : Pilersuisoq/Finn Fabricius
Allattoq Jens Thorin
decembarip 23-at 2014 14:52
Nutserisoq Simon Uldum -

Anorersuarnerani angallatit aqqannillit kivisoorutigineqarput.

 

Pilersuisoq, illoqarfinni mikinerusuni nunaqarfinnilu pisiniarfinnik ingerlatsisuusoq, Kangaatsiami ilaqutariinnut inuussutissanik assigiinngitsunik maanna tunissuteqarpoq.

 

Pilersuisup nioqqutissanik pilersuisuni suleqatigalugit poortukkanik 14-inik tamarmik immikkut 1.500 koruuninik naleqartunik tunissuteqarpoq.

 

Partii Naleraq sinnerlugu Inatsisartuni ilaasortap Anthon Frederiksenip Naalakkersuisunut § 37 najoqqutaralugu apeqqutigaa, Kangaatsiami aalisartut piniartullu pisortanit ikiorserneqarnissaannut sunik periarfissaqarnersoq.

 

- Aalisartut piniartullu ajunaarnersuarmik eqqugaasut pisortanut saaffiginnissuteqarsimapput, namminersortuunertilli pissutigalugu ikiorneqarsinnaannginnerminnik ilisimatinneqarsimallutik, Anthon Frederiksen arfininngormat taama oqarpoq.

Anorersuarujussuarnerani aalisariutit aqqanillit kisivisoorutigineqarnerisa kingorna Qaasuitsup Kommuniani borgmesteri Ole Dorph nalunaaruteqarpoq ataatsimoorluni Kangaatsiami aalisartunik piniartunillu ikiuisoqarnissaanut kaammattuuteqarluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq