Assi: KNR

Siverth K. Heilmann Pilersaarusiorneq torraanerusariaqarpoq

Sisimiuniit Kangerlussuarmut aqqusiniliassatut oqallisigineqarluartup piviusunngortinneqarnissaa, Qeqqata Kommuniani borgmesterinngortussap anguniagassaasa pigaarnerit ilagaat. Tamanna Atassummit tunngaviusumik tapersersorneqarpoq, aningaasartornarpallaarnisaali isumakuluutigineqarluni.

Aqqusinersuaq 150 kilometerit missaatut takitigisoq. Borgmesterissap Malik Berthelsenip pilersaarutaa piviusunngorpat Sisimiuniit Kangerlussuarmut taama ittumik attaveqalissaaq.
- Qeqqata kommunia ineriartortinneqaqqissappat periarfissaq annertoorujussuaq Kangerlussuup Sisimiullu akornganniikkami nunataminerujussuaq takornariaqarnikkut inerisarneqarnissaminut periarfissarpassualik,

Malik Berthelsen taama oqarpoq imalu nangilluni:

- Periarfissaqalissagaluarpugut Sisimiut avannaa tungaaniittoq aqqutikitsumik taaneqartartoq ukioq kaajallallugu aputeqartuaannartumik sisorariartarfissuarmik allaat pilersitsisoqarsinnaassagaluarpoq, Malik Berthelsen taama oqarpoq.

Kommunalbestyrelsemi suleqataasup, Atassutip, pilersaarut tunngaviatigut isumaqatigaa, aammali akisuallaarsinnaanera ernummatigalugu.

Aqqusinissarsuup naammassinissaanut pilersaarut malillugu takinerujussuunissaa, ukiut tamaasa aputaajaarujusuartarnissaq, upernaakkullu sequtserluni kuugussaasarnissaata qanoq aningaasalersorneqarnissaa Atassummeersup Siverth K. Heilmannip ernummatigaa.

- Isumaqarpunga pilersaarusiorneq torrallannerusariaqartoq aningaasarpassuit asuli atulussinnarneqassanngippata, Siverth K. Heilmman taama oqarpoq.
Taassuma aningaasaliisinaasunik allanik suleqatissarsiornissaq ujartorpaa.
Aqqusiniliassaq ujaraaqqanik qalligaasoq (grusvejmik taasagaat) 6½ meterinik silisssusilik 300-400 mio. koruuninik akeqangassangatinneqarpoq.

Aqqusineq asfaltimik qalligaq 400-500 mio. koruunit missaannik akeqassangatinneqarpoq kiisalu aqqusineq pinngortitap ilusaa malillugu aqqusiassaq 15-20  mio. koruuninik missaanik akeqassangatinneqarluni

- Allatut ilillugu atassuminngaaniit aningaasaliisinnaaneq aallarteqariartoqarsinnaanera eqqarsaatigalugu aningaasaliisinnaanerillu pilersaarusiorluarneqassasut kommunalbestyrelsemi nutaami nalilersorneqarnissaat kissaatigisimavarput, Atassutip siulittaasua, Qeqata Kommunalbestyrelsianut qinigaaqqittoq Siverth K. Heilmann, taama oqarpoq.
 

Isummersuutit

Inatsisartuni Nivi Olsen

Inatsisartut Upernaakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!