Pikkorissarnerit oqaatsisigut pisinnaasat qaffassinnaavaat
Ilinniartitsisut ilinniaqqinnissaannut nukiit amerlanerit atorneqarpata qallunaatut tuluttullu pikkorinnerulertoqarsinnaasoq Sivso Dorph isumaqarpoq:
- Tuluttoortitsisinnaasunik, qallunaatoortitsisinnaasunik, allamiut oqaasiinik atuisinnaasunik taakkuninngalu ilinniartitsinissamut atuartitsinissamut ilinniarsimasunik amigaateqarnerput miserratigisinnaanngilarput, Ilinniartitsisut kattuffianni IMAK-imi siulittaasoq Sivso Dorph taama oqarpoq.
Oqaatsitigut ilinniartitsisarnerup ajorpallaarnera ernumassutaasoq
Ilinniartitsisut kattuffiata atuartut oqaatsitigut piginnaanikippallaartarnerisa sapaatip akunnerata siuliani uparuarneqarnermat isumaqataaffigaa.
Kinguarsimaneq ajornartorsiutaasorujussuuvoq ilinniaqqiffissani atuartitsissutit qallunaatut tuluttullu allassimammata.
- Nunarput qiviassagaanni meeqqat atuarfianni angusat naapertuutinngitsorujussuupput tassunga, taassumalu takutereerpaa aamma immaqa annikippallaartoq, Aviâja Egede Lynga taama oqarpoq.
Ilinniaqqinnissamut piumasaqartoq
Ilinniartitsisussaqannginneq ajornartorsiutaagaluartoq illoqarfinni anginerni annikinneruleriartorpoq.
Taamaattumik kommuninut ilinniartitseqqinnissamut piumaqarnissaq siulittaasup piffissaasoraa.
- Taassuma tungaa pitsanngorsartariaqarparput, taassumallu tungaatigut pikkorissaasarnigut suli annertunerulersittariaqarpagut.
Ilinniartitsisut meeqqat atuarfianneersut kattuffiani IMAK-imi siulittaasoq Sivso Dorph taama oqarpoq.
