Nuuk Nordisk: Pikialaartitsineq arfininngornermi naammassineqassaaq
Kulturikkut Nuummi pikialaartitsineq ullumi arfininngornermi naammassineqassaaq. Small Time Giantsikkut naggasiissapput.
Nuuk Nordisk 2017-ip ammarnersiornera.
Allattoq Inge S. Rasmussen
oktobarip 21-at 2017 15:12
Nunatta Atuagaateqarfiani aaqqissuussat assigiinngitsut nalunaaqutaq aqqanermiit tallimat tungaanut takuniarneqarsinnaapput.
Inussivimmi aamma aliikkusersuisoqarlunilu tusarnaartitsisoqarumaarpoq, tamannalu pissaaq unnugu nalunaaqutaq arfineq-pingasuniit unnuaru marlup tungaanut.
Kalaallit nipilersoqatigiit Small Time Giants Inussivimmi naggataarnersiornermi kingulliullutik appisimaartussaapput.
Aaqqissuisut nittartakkaminni taama allapput.
Small Time Giantsikkut Arctic Winter Games 2016 nipilersukkamik "We are the Arctic"-imik qulequtsikkaminnik ilisarnaaserpaat.
Kulturikkut Nuummi pikialaartitsinermi pisussat kingulliit nittartakkami nuuknordisk.gl-imi alakkarneqarsinnaapput.
